Seinasta vikuskifti, leygardagin 17. januar 2026, hava fleiri rennarar úr Treysti verið til kapping bæði í Føroyum og uttanlands og úrslitini hava verið sera góð.
Vetrarkapping í Kollafirði
Julian Gregersen, Heini Gregersen and Erik Løksagarð Absalonsen runnu vetrarkapping í Kollafirði VK4 og tað gekst væl. Teinurin var knappar 10 km. Julian vann opna bólkin hjá monnum við tíðini 33:37, Heini bleiv nummar 3 fyri superveteranar við tíðini 40:44 og Erik Løksagarð Absalonsen bleiv nummar 16 fyri menn opin bólkur eisini við tíðini 40:44.
Treysti hevur eisini sterkar rennarar, sum í løtuni eru í lestrarørindum uttanlands.
Seinastu viku sóu vit Oddvør seta tvey føroysk met, og leygardagin 17. januar vóru eisini fleiri Treysti rennarir í eldinum.
Maria rennur framúr 800 m í Skive
Maria, sum annars mest hevur fokusera uppá 400 m og 400 m rimarenning, rann ein sera flottan 800 m innandura í Skive.
Hon kom á mál við tíðini 2:15.18 ein framúrskarandi tíð. Bert Rebekka Fuglø Poulsen hevur runnið skjótari av føroyskum kvinnum.
Ómetaliga flott av Mariu! 👏
5000m á Bislett stadion í Oslo
17. januar var 5000 m innandura kapping á Bislett stadion í Oslo. Fleiri føroyingar og hondbóltsfjepparir , tilsamans 6, nýttu høvið at luttaka.
Rutt Gregersen og Pætur Hentze úr Treysti, Neli Heldarskarð, Rúni Seloy og Jan Mohr úr Bragdið. Pætur ætlaði renna undir 20 minuttir og kom á mál við tíðini 19:22.
Rutt rann eina ótrúliga góða kapping og kom á mál við tíðini 17:50. Hon betraði sítt persónliga met við heili 32 sekundum og setti samstundis nýggja klubrekord fyri Treysti.
Eitt stórt tillukku til Rutt við frálíka úrslitinum! 🎉
