Aftur í ár skipar Treysti fyri FM í hálvmaraton í Klaksvík. Norðoya Sparikassi er høvuðsstuðul hjá Treysti, og tí verður heitið á kappingini: NS hálvmaraton Klaksvík 2024.
FM HÁLVMARATON, NS HÁLVMARATON OG NS STUÐULSSRENNING VERÐUR LEYGARDAGIN 4. MAI 2024 Í GØTUNUM Í KLAKSVÍK. STARTUR OG MÁL UTTANFYRI HØVUÐSDEILDINA HJÁ NORÐOYA SPARIKASSA OG ØLL VÆLKOMIN AT RENNA VIÐ.
Treysti skipar í ár fyri NS hálvmaraton í Klaksvík. Hetta verður samstundis FM í hálvmaraton. Talan verður um eitt sokallað býar hálvmaraton, tí tað verður bert runnið í býnum, á einum rundteini á 5,3 km.
Startur og mál verða á vegnum høvuðsdeildina hjá Norðoya Sparikassa og Betesda. Hálvmaraton verður runnið fýra ferðir norður til Stangaskákið (Victor á Lakjuni) og út á Bumshamar (Torvgøtu) at venda.
Talan verður um DAF-góðkendan hálvmaraton tein.
Fyri at luttaka í hálvmaraton skal ein vera fødd/føddur í 2006 ella fyrr. Fyri at luttaka í FM er tað ein treyt, at man er limur í einum felag undir FÍF.
Samstundis, sum talan er um FM, so verður hetta eisini opin kapping har øll kunnu luttaka.
Gakk & renn stuðulsrenning:
Umframt hálvmaraton so verður eisini skipað fyri 5 km motiónsrenning, sum eisini er stuðulsrenning. Peningurin sum kemur inn frá stuðulsrenningina fer óskerdur til at stuðla Parasport Føroyar í at menna framerunning í Føroyum. Øll eru sjálvandi vælkomin at luttaka.
Gakk & renn motiónsrenningin/stuðulsrenningin er eitt umfar av maratonrutuni.
Tíð og stað:
Startur uttanfyri Norðoya Sparikassa kl. 14.00.
Bólkar:
Í FM hálvmaraton verður kappast í hesum bólkum:
- Menn og kvinnur opin bólkur (f. -2006)
- Menn og kvinnur veteranar (f. 1968-1977)
- Menn og kvinnur superveteranar (f.1958-1967)
- Menn og kvinnur ultraveteranar (f.-1957)
Í NS hálvmaraton Klaksvík 2024 verður kappast í hesum bólkum:
- Menn og kvinnur opin bólkur (f. -2008)
- Menn og kvinnur veteranar (f. 1968-1977)
- Menn og kvinnur superveteranar (f.1958-1967)
- Menn og kvinnur ultraveteranar (f.-1957)
Kostnaðurin fyri at luttaka:
NS hálvmaraton Klaksvík 2024 er kr. 295,-
NS Stuðulssrenning er kr. 100,-
Heiðursmerkir og handan:
Øll sum gjøgnumføra NS hálvmaraton Klaksvík 2024 fáa serligt heiðursmerki.
Nummar 1, 2 og 3 í øllum bólkum fáa eisini heiðursmerkir, sum verða handaði við máløkið so skjótt úrslit eru klár.
Fyri 5 km stuðulsrenningina verða heiðursmerki ikki latin.
Serstakt heiðursmerki:
Sum nakað nýtt í ár, so verður latið eitt serstakt heiðursmerki um tú luttekur í øllum 5 hálvmaraton, sum verða fyriskipa í ár. Heiðursmerki verður handa tá ið Føroya Vakrasta Hálvmaraton verður runnið leygardagin 7. september.
Tilmelding:
Melda til á www.fif.fo (síðsta freist ONLINE er kl. 22.00 fríggjadagin 3. mai 2024).
Leinkja til tilmelding til NS hálvmaraton
Leinkja til tilmelding til NS motionsrenning
Gevið gætur: Ongin tilmelding til hálvmaraton á staðnum.
Til 5 km motiónsrenning kann meldast í Norðoya Sparikassa í seinasta lagi kl. 13.00 á rennidegnum.
Startnummar:
Avheintað startnummar frá kl. 12.00 í deildini hjá Norðoya Sparikassa (beint við startin) í Klaksvík 4. mai og áðrenn kl. 13.30.
Umklæðing:
Møguleiki verður at skifta í okkara nýggja og snotuliga kappróðrarneysti, sum liggur bert fáar metrar frá start og máløkinum.
