Treysti stuðlar Sclerosufelagnum

Kom og renn fyri sclerosu í Klaksvík. Øll eru vælkomin
!



leygardagin 5. mai 2018 kl. 14.00. Børn, ung og
vaksin – kom og rennið við.



NS motiónsrenning, barnarenning og FM
hálvmaraton, stuðulstiltak saman við Treysti.



Komið og stuðla
Sclerosufelagnum. Aftur í 2018 skipar Treysti fyri NS hálvmaraton Klaksvík
2018, sum eisini umfatar FM í hálvmaraton. Umframt hálvmaraton verður eisini
skipað fyri 5 km motiónsrenning og barnarenning.



Renningarnar verða gjørdar í samstarvi við Sclerosufelagið.



Kostnaður: Kostnaðurin fyri NS Hálvmaraton er kr.
295, fyri NS motiónsrenning kr. 100 og fyri NS barbarenning kr. 50. Luttøkugjaldið
til motiónsrenningina fer óskert til Sclerosufelagið.

Tilmelding
fer fram á heimasíðuni www.fif.fo undir
tilmelding ella
í Norðoya
Sparikassa heilt fram til kl. 13.00 leygardagin 5.
mai 2018.
Renniblusa frá Sclerosufelagnum verður latin teimum
fyrstu 50 luttakarunum, sum melda seg til NS motiónsrenningina.



Sclerosurakt tørva stuðul
Um tú ikki orkar at renna, og tó ynskir at stuðla Sclerosu,
ber eisini til at stuðla bæði motións, barna og hálvmaraton rennarum
.Tit kunnu stuðla við at flyta eina upphædd á 9865-102.799.3
í Norðoya Sparikassa

Sclerosa (MS)

Sclerosa (MS)
er ein kronisk autoimmun sjúka, sum loypir á høvuðsnervaskipanina, og also
nervalagið í heila og mønu. Sjúkan rakar sostatt allan kroppin.



Sjúkan kann
hava ymisk árin frá persóni til persón. Álopini av sjúkuni vera vanligani kallað
fyri 'Attak', og tað kann vera alt frá merkisórógv (føleforstyrrelser),
trupulleikar við sjónini, møði,  lammilsi
og /ella
kognitivar trupulleikar, so sum at hava ringt við at minnast
og hugsavna seg
.
Nøkur uppliva bert fá attak, og eru kanska ikki nógv merkt av sjúkuni, meðan
onnur gerast avlamin við tíðini. Flestu, sum verða rakt av sjúkuni, eru millum
20 og 40 ár. 2/3 av hesum eru kvinnur.



Man veit ikki hví ella hvaðan sjúkan
kemur. Tí er ongin heilivágur, ið kann lekja sjúkuna. Men tað ber til at fáa
heilivág, sum seinkar sjúkugongdina og møguliga minkar um symptomini. Tað
verður granskað sera nógv í sjúkuni. Hetta gevur vón um eina framtíðarloysn og
er sera positivt. Men gransking er dýr, og neyðugt er at savna nógvan pening
til ymisku verkætlanirnar.



Renn fyri sclerosu! Tú hjálpir við at savna inn pening,
og gevur vón um eina betri framtíð.